Bawlhhlawh hâl leh ram tihkan khapna leh a hrem theih dan

Serchhip District Bawrhsap Kumar Abhi-shek, IAS, chuan bawlh-hlawh hâl leh ram tihkan chungchanga khapna leh a hrem theih dan hriattirna a chhuah.

Nimina District Bawrh-sapin hriattirna a tihchhuah-ah chuan National Green Tribunal-in ni 22.12.2016 thutlukna a siam angin leh, ni 14.6.2018-a hriattirna a tihchhuah angin ram ruaka bawlhhlawh hâl leh ram tihkan chungchanga khapna thupek a lo chhuah tawh chu Serchhip District-ah ni 18.11.2020 aṭanga hman ṭan tawh a ni tih a tarlang a, hriattirna a tihchhuahah chuan bawlhlawh leh ram (Simple) hâl/ tikang chuan Environmental Compensation atan Rs.5,000/- an chawi tur a ni a ti a, bawlhhlawh leh ram hal chu thil lian tham leh tam tham (Bulk) a nih chuan Environmental Compensation atan Rs.25,000/- an chawi tur a ni a ti bawk a, bawlhhlawh leh ram hal aṭanga hremna pawisa chawi tlingkhawm chu Mizoram Pollution Control Board in a khawn ang a ti bawk.