Zothlifim Logo
Loading ...

Tunkar Thawhṭanni tlaia Serchhip aṭanga Dawngzawl thlen hma kawng chhak ram hâl luitu nia hriat chu chhui zui an nih hnuah man an ni.

Thudawnna sawi danin, helai ram kâng hi hâl luih ngei nia hriat a ni a, a hâl lai mita hmutu Dinthar lama YMA hruaitu pakhat chuan a hâltu chu hauin ram kâng hi a ṭhelh nghal a, ram kang a ṭhelh lai hian, ram hâltu nia hriat mi pahnih bike-a chuangte chu an tlan leh hman a ni.

He thu hi a ram neitu Chhim Veng VC leh Sub Hqrs YMA hruaituten zirchiangin, Nilaini khan Serchhip Police Station-ah VC leh YMA hmingin FIR thehluh a ni a, Police-te ruahmanna angin VC hminga kalpui a ni ta a ni.

Hemi hnu hian Police leh Sub Hqrs President Kawl-ṭhuama leh Secretary PC Vanlalluna-te bakah Davida Zaithankima, VCP, Chhim Veng leh an thawhpui te leh Dinthar VCP PC Vanlalvena leh mita hmutu leh a ṭhelhtu KC Zoramnghaka-te chu a hmunah kalin thil thlenna lai hi an enfiah a, hemi hnu hian Police-te chuan chhui zui nghalin, nimin khan ram hâltu nia hriat hi Keiṭumah an man ta niin thudawn a ni a, bike khalhtu sawi danin, a zunram thiar hlanin a ṭhianpa hian a lo hâl niin a sawi tih thudawnna chuan a sawi.

Helai ram hi kumtin a kang ṭhin a, YMA leh VC-te bakah mi tlawmngaiten kang ṭhelh nan hun leh tha leh, sum tam tak an lo seng tawh ṭhin a ni.