Zothlifim Logo
Loading ...

ZNP Gen. Hqrs. President JM Vura chuan Serchhip Bial MLA by-election buai lai laia ZNP Treasurer-in President emaw, Vice President emaw hriatpuina tello leh phalna pawh la lova Executive Meeting lo koh ve ngawt theihna a nei lo, tiin, a case a serious khawp ang, a ti a, President-in a appoint ni miah loa, eng GS emawte lo inphuahchawp phei chu India Constitution-ah pawh a hremna a neplo khawp ang tih hi a lang reng a ti.

JM Vura chuan ZNP buaina chungchangah hetianga lem chan mai mai chi hi a ni lo, a ti a, “ZNP tihhmingchhiat man leh ZNP President leh Vice President tihhmingchhiat man, defamation case hi an file ngei ka ring bawk,” a ti.

“JV Pahlira hian a naute hi a lo va bum nasa em aw. A naute hi ka demlo. Hetiang kawng diklova hruaitu mawhphurhna hi a sang khawp mai. Chuvangin an hotute an chet tak tak hma hian, a in-surrender hmasa apiang hi an vannei turah ka ngai. Chu pawh an hotute thu thu a ni bawk,” a ti a, ZORO hovin dan ang taka an inthlanpui tawh an ni a, Adhoc a ni tawh lo a, duh duha lo inthlan ve mai mai chi a ni lo tih sawiin, Executive hi mi 100 pawh kalkhawm se, President leh Vice President paih mai mai theih a ni lo a, a ti a, “Emergency Executive Committee in ka paih, han tih te phei hi chu mi nuih a ti za mai mai a ni e,” a ti bawk.