ZNP hminga thuchhuah siam tawh lo turin hriattir

Nimin khan ZNP Gen. Hqrs. Gen. Secy. Information & Publicity Deptt. Lalduhkima Khiangte chuan ZNP aṭanga hnawhchhuah takte chuan ZNP Gen. Hqrs. hminga thuchhuah nei tawh lo tura hriattirna thuchhuah a siam.

Nimina thuchhuah a siamah chuan April ni 15, 2021-a ZNP Gen. Hqrs. NEC Emergency Meeting ZNP General Headquarters Office Treasury Square a neihin ZNP aṭanga a hnawhchhuah takte chuan ZNP Gen. Hqrs. hming a thuchhuak an la nei zui zel chu pawi an ti takzet tih sawiin, huaikawm bawl leh ZNP hming tichhe thei zawng a thu chhuak lo nei tawh lo turin an ngenin an hriattir tih a tarlang a, ZNP tihmingchhe thei zawng leh ZNP General Headquarters hriatpuina tel lova thuchhuak a awm zui zel vanga dan kalh a khawsa zui te chungah, eng thil pawh lo thleng se mawh an phur lo tih a tarlang.

Hei bakah hian ZNP Gen. Hqrs. Emergency NEC Meeting thurel dodal zawnga ZNP hminga thuchhuah lo siamtu, Paul LT Chhangte chu nimin aṭang khan a nihna chelhte hlihsakin, Primary member a nihna pawh hlihsak nghal a ni, tih a tarlang bawk.