Nimin (12.5.2021)-a Central YMA Office Bearers leh Medical Operation Team (MOT) on Covid-19 ṭhukhawm chuan Covid-19 vanga thite rual sawngbawl dan tur chungchangah inkaihhruaina an siam.
Nimina Central YMA Committee Room-a Covid-19 vanga thite ruang sawngbawl dan chungchanga rualkhai zawka kal a nih theih dan tur sawiho chuan DM & R Department, Govt. of Mizoram-in March 25, 2020-a SOP a lo tihchhuah zulzuiin inkaihhruaina an siam a, he inkaihhruaina an siam hi a theih chen chenah Sub-Hqrs/Group/Branch YMA-te chuan an khua/veng ṭheuha zawm ṭheuh turin an ngen a ni.
Ruahmanna an siamdan chu:
- Covid – 19 vanga thite, Damdawiin a sawngbawl vek tawh hnua kuanga dah tawh chu a hlauhawm tawh loh.
- Covid – 19 vanga thite sawngbawl tawhte hi natna dang vanga thite ang thovin zahawm takin In/Hall-ah vuina hun hman theih a ni.
- Kuang buaipuitu ten Gloves leh Mask vuah a him tawk a, Full PPE hak kher a ngai lo.
- Mitthi vuituin Full PPE hak kher a ngai lova, Mask vuah mai a tawk.
- Mitthi vuinaah hian sawrkar SOP zawm tur a ni.