LADC nominated member 4 lalût

Lai Autonomous District Council (LADC)-a Nominated Member pali (4)-te chu nimin khan Chairman V.Zirsanga’n rinawm-na thu tiamtirin MDC atan a lalut

Hripui leng vanga sawrkarin inkhuahlkhirhna a siam ṭha taka zawm chungin MDC thar lakluhna hi LADC Hall-ah hman a ni a, LADC Secretary Lian-chungnunga’n kaihhruaiin , tun hnaia CEM-in Nominated Member atan a ruat, Governor-in a pawm tak H.Lalramfawna, AOC Veng, Lawngtlai; Lalthan-mawia Colney Lawngtlai-III; C.Biakthansangi New Vengpui, Lawngtlai leh Z.Ngunchhini Council Veng, Lawngtlai-te chu LADC Chairman V.Zir-sanga chuan rinawmna thu tiamtirin MDC atan a lalut a, heti hian LADC-a mipui thlan member 25 bakah Nominated Member pali nen Member 29 an awm ta a ni.

Nominated Member lakluhnaah hian LADC-a Executive Member-te bakah Political Party hruaitute leh MDC atana lakluh chhungte bakah Official pawimawh zual te an tel a ni.