Zothlifim Logo
Loading ...

ZPM Legislature Party chuan nimin khan thuchhuah siamin, Chief Minister leh Finance Minister a nih angin, state mipuite hnena thuchah siam a, kan harsatnate sawifiah turin Zoramthanga an phut tih an sawi.

ZPM Legislature party chuan “Covid-19 hripuiin a vawi hnihna atan min han run leh takah chuan kan thiam leh theih ang tawkin ramhruaitu ten hma kan han la leh ta a. Tuna kan sawrkarin hma a lakna hrang hrangte hi kan thlawpin puih an ngaihnaah chuan kan inpeih reng a ni,” an ti a, chutih rual chuan Chief Minister-in sorkar sum dinhmun mipuite hrilhhriatna a nei ta miah lote leh a duhna lama sum sêng thei reng chunga sawrkar hnathawkte hnena vehbur a khawn ta mai chu ram hruaitu awm dan tur a nih loh avangin hemi chungchang hi an sawichhuak tih an sawi a, “Kan tanrualna a ṭhat zawk nan leh Chief Minister’s Relief Fund (CMRF)-a pawisa pe duhte tan pawha rilru dam taka an pek theihna turin, Chief Minister leh Finance Minister a nih angin, state mipuite hnena kan harsatnate sawifiah turin Zoramthanga an phut tih an sawi a ni.

ZPM Legislature Party chuan kum 2021-22 budget-ah SEDP atan Cheng Nuai 40,000 a dahte chu Covid-19 avanga ei leh in lama harsatna tawk te, ral hmatawng – VLTF/LLTF te tanpuina atana hmang tur leh Mizoram State Health Care Scheme sum bawm a Cheng Nuai 20,000 chuang la awm chu Covid-19 veiten a thlâwna inenkawlna an dawn theih nan a hmang turin an ngen tih an sawi a, sum hman danah tuna mamawh ngawih ngawih leh la dah ṭhat theih hrih tur thliar a hun an tih thu an sawi bawk a, MLA Fund aṭanga a sum hlawma (cash) LLTF/VLTF te leh mipui harsatna tawkte ṭanpui theih dan tur ngaihtuahpui turin an ngen nghal tih an sawi a, kum 2021-22 chhunga kan budget chu hman a nih hma hauhvin hripui dona atana pawh pên a ngaih leh tak avangin, a nihna tur taka hman a nih theih nan, Assembly Session kovin Budget Re-appropriation (siamṭhatna) neih ni rawh se, an ti bawk.