Serchhipah hri kai 2 hmuh belh

Nimin khan Serchhipa Covid-19 hri kai leh kai loh endikna, RAgT-a sample test 19 aṭangin hri kai pahnih hmuhchhuah thar an ni.

Hri kai hmuhchhuah tharte hi Serchhip Hmar Veng leh P&E Venga cheng, hmeichhia ve ve niin, kum 49 leh kum 35-a upa an ni a, heng mite hi state pawna zin chhuak lo, hri kai dang aṭanga kaichhawng an ni. Hetihlai hian TrueNAT Laboratory-a sample endik 4-ahte hri kai hmuhchhuah an awm lo thung a ni. Heti hian Serchhip District-ah hri kai enkawl mek 100 awmin, Nursing School CCC-ah 82 leh Integrated Ayush Hospital, Thenzawl-ah mi 15 bakah Home Isolation 3 an awm a, mahni in lama inkhung hrang mi 221 awmin, quarantine facility-ah mi 56 an awm mek bawk a ni.

Leave a Reply

This site uses Akismet to reduce spam. Learn how your comment data is processed.