Zothlifim Logo
Loading ...

Serchhip District Consumer Association chuan nimin khan thuchhuah siamin, P&E Department-in tun thla Electric bill siam dan phung duh lova thunei-tute siam ṭha tura mipui an ngenna leh, hetiang ang bill diklo tam tak awm hi mipui tan pek a him lo tiha thu-chhuah an lo neih tawh kal zelah, Mizoram Consumer Union, Aizawl hruaitute leh P&E Department hotute chu nimin khan Chief Engineer kaihhruainain inhmu-khawmin Electric Bill chung-chang hi an sawiho a, Department lam pawhin an thil tihdan dik tawklo chu an pha lova, an thu leh hla aṭangin mipui te hriat tur an tarlang.

Serchhip District Consumer Association chuan hemi chungchanga thuchhuah an siamah, P&E Department hian tuna reading an lak mek hi thla hnih bill atan a reading hi ṭhen sawmin bill siam leh vek a ni dawn a. Tuna reading tellova bill siam hi ngaih tha lova pe duhlo an awm chuan bill an pe lo ang a, nakinah meter reading kaltlanga department lamin bill an rawn siam hunah tuna an pek loh hi an unit hman dan milin thla hlui bill pek loh vanga pung(surcharge) awm lovin an pe ang. Tun thla bill pe tan an bill pek loh avangin an electric connection hlihsak an ni lovang an ti a.

Electric bill hi an bill a dik ni a hria a pe duh tan online hmangin a pek theih reng a, bill sang lutuk leh ngaih ṭha lo chuan bill pe mai lovin dept-ah complaint phawt tur a ni/anih loh pawhin bill a dik leh dik loh nakina meter reading mila bill an rawn siam hunah pek mai tur a ni. Complaint hmain bill sang a chu pek loh tur a ni an ti a, Online emaw offline hmanga reading la lova department-in bill an siam lo pe tawh te chu thla lehah reading kaltlanga bill siam anih hunah tuna an pek tawh zat hi tihhniam (deduct) an nih tur thu an tarlang bawk.