Football thuthang (17.7.2021)

@ Tottenham chuan Roma midfielder Lorenzo Pellegrini, 25, chu lakluh an tum a, mahse Italy international release clause £26m chu tlin an tum lo a ni. (Athletic)

@ Arsenal chuan Chelsea leh England striker kum 23 mi, Tammy Abraham lakluh dan an ngaihven a, Blues hian Abraham hi Tottenham leh Inter Milan lama kaltir an phal a, Chelsea hian Spurs England striker Harry Kane, 27, leh Inter Milan Belgium forward Romelu Lukaku, 28, te an ûmzui ve mek bawk a ni. (Telegraph)

@ Real Madrid manager Carlo Ancelotti chuan club thuneitute chu kumin nipuiah Paris St-Germain aṭanga France striker Kylian Mbappe, 22, an lalut thei lo a nih chuan Liverpool aṭanga Egypt forward Mohamed Salah, 29, lalut turin a duh. (Fichajes)

@ Spanish Champions Atletico Madrid leh Manchester United England midfielder kum 28 mi, Jesse Lindgard-te chu sawi zawm an ni a, Lindgard hi season liam taa loan-a ṭha taka a khelhna West Ham pawhin an duh a ni. (90min)

@ Real Madrid chuan France defender kum 28 mi, Raphael Varane chuan contract thar a ziak dawn lo tih an pawm tawh a, Manchester United aṭangin dilna an nghak mek. (Goal)

@ Juventus chuan Brazil striker kum 24 mi, Gabriel Jesus chu Manchester City aṭanga lakluh tumin na takin hma an la dawn. (Sun)

@ Everton chuan an manager Rafael Benitez-a’n squad din thar a tumnaa sum tuak nan an first-team player parukte chu dawrtu an awm a nih chuan an bengkhawn dawn a, heng zingah hian Colombian playmaker, James Rodriguez, 30, pawh a tel. (Telegraph)

@ Chelsea defender Emerson Palmieri, 26, chu Italian champions Inter Milan leh Roma manager Jose Mourinho-te chuan an duh a, Napoli pawhin Euro 2020 winning Italy international hi an duh bawk. (Calciomercato)

This site uses Akismet to reduce spam. Learn how your comment data is processed.