Zothlifim Logo
Loading ...

Govt. Serchhip College NSS Unit-in an buatsaih NSS Award 2021 chu nimin khan Judithi Lalchanpuii, 6th Sem. Zoology Dept. hnenah hlan niin, khuallian nia he hun hmanpuitu, PC Lalremsiama, Principal, Govt Serchhip College chuan Award hi a hlân a ni.

Govt. Serchhip College Smart Class Room, Academic Building-a NSS Award 2021 hlanna puala inkhawm neihah khuallianPC Lalremsiama chuan Govt. Serchhip College NSS unit-te hmalakna hrang hrang avangin College-in hmingṭhatna tam tak an nei tawh tih sawiin, NSS Programe Officer leh Volunteer zawng zawngte chungah lawmthu a sawi a, Govt. Serchhip College pawhin thawktute thawhhona ṭhat vangin hma a sawn zel a, kum dang zawng aiin kuminah hian 1st Sem.-a zirlai inziak lut pawh an tam thu a sawi a, Award dawngtu Judithi Lalchanpuii chu a kal zelna turah duhsakna a hlan nghal a ni.

He hun hi C.Lalram- liana, Programe Officer, NSS-in kaihruaiin, H.Lal-chhanhima, Programe Officer, NSS-in hunserh a hmang a, Dr. Lalhma-ngaihzuali Ralte, Programe Officer, NSS chuan report pe-in, Dr S.Beihrosa, Prog-rame Officer, NSS chuan lawmthu sawiin hun a khar a ni.

Tun ṭum hi ‘Govt. Serchhip College NSS Award’ an pek vawi hnihna niin, nikum December thla khan a vawi khatna atan PC Lalnunzira, 6th Sem. Zoology hnenah Award hi hlan a lo ni tawh a, Award dawngtute hi Govt. Serchhip College-a an kal chhunga NSS leh College hminga thil tihna hrang hrang – Thisen pek, hnatlang, College aiawha thawk chhuak ṭhate hnenah hlan a ni.