RL Chhuanawma, Chairperson, Child Welfare Committee, Serchhip District chuan nimin khan hriattirna tichhuakin, ni 21.7.2021-a Lungpho naupang boral chung-changah a thlalak nen social media-ah thehdarh a ni tih a tarlang a, naupang kum tling lo (kum 18 tling lo), dân bawhchhia leh vanduaina tawkte thlalak leh an nihna tarlang thei tarlan chu dânin a phal loh thu leh, hetiang tite chu hremna na tak pek theih an ni tih a tarlang a, chuvangin kum tlinglote thlalak leh an chanchin chu anmahni chhungte emaw, Child Welfare Committee-ten phalna an pe a nih loh chuan Social media-ah a ni emaw, chanchinbuah emaw, electronic media-ahte tarlan phal a ni lo tih a tarlang.
Ni 21.7.2021 khan Lungphoa kum tling lo mipa pakhat khung hran chu amah an khung hranna hmuna inawk hluma hmuh a ni a, amah a intihhlum chhan tak hi hriat a ni lo a ni. He vanduaina tawk hming leh thlalak chu social media lamah nasa takin a darh a ni.