Nimin khan District Agriculture Office, Serchhip hmalaknain Thenzawla Obing zau rama Sub Mission on Agroforestry (NMSA) Small Nursery-a kui, Zawngṭah ṭiak 9,050 sem chhuah a ni.
Tlangtimawia Zote, DAO Serchhip chuan Sub Mission on Agroforestry hi Serchhip District hmun thuma buatsaih tura tih a nih thu sawiin, thlai ṭiakte chu nakuma sem chhuah ṭan tura tih a nih laiin thawktute inpekna leh ṭhahnemngaihna zarah a hun aia hmaa sem chhuah a nih zawk tih a sawi a, Loneituten Zawngṭah ṭiak an dawnte chu ṭha taka phun nung a, ram ngaw siam nan leh sum thawh chhuahna atana ṭangkai taka an hman theih ngei a duhsak hle tih a sawi a ni.
T.Lalremruata, G/S, Nursery Incharge chuan thlai ṭiak sem chhuah a nih dan report pe-in, Then-zawlah ṭiak 4900, Kang-hmun Southah 1710, Neihlohah 890 leh Zote Southah 1550, a vaiin Zawngtah ṭiak 9050 chu chhungkaw 223 hnenah sem chhuah a ni tih a sawi a, khaw tina FIG-ten a ṭul angin an lo buaipui zui dawn a ni.
He hun hi K. Laltlan-mawia, DPM (FOCUS) chuan a kaihruai a, loneitute hnenah a thlawna thlai ṭiak sem leh chumi hmanga an sum lakluh tihpun chu Sub Mission on Agroforestry-in a tum bulpui ber a nih thu a tarlang bawk a ni.
He hunah hian loneitute leh department thawktute leh tualchhung thuthar lakhawmtu ṭhenkhat an tel a ni.