October thlaah Fury v Wilder-III

Tyson Fury leh Deontay Wilder-ten a ṭum thumna atana world heavyweight title fight an neih hun tur atan October ni 6 tihchian a ni.

Hemite pahnih hi July ni 24-ah Las Vegas-ah inhnek tura tih an ni a, mahse British heavyweight boxer Fury hi an test-naah Covid-19 a vei tih hmuhchhuah a nih avangin an inhnek hun hi sawn a ni ta a ni.

Thla 14 kal ta, February 2020 khan kum 32 mi, Fury hian American boxer kum 35 mi, Wilder hi hnehin WBC champion a ni a, hemi hmaa Los Angeles-a an inhnekah an lo in-draw tawh a ni.

Hemite pahnih inhnek ṭum thumna tur hi covid-19 hri lengin a tihbuai avangin ṭum engemawzat ṭhulh a ni a, Fury hian heavyweight title pathum ngawt kawltu, a hnampui Anthony Joshua hmachhawn a tum renrawn a, mahse Wilder a hmachhawn hmasak leh phawt a ngai dawn a, a chhan chu an inhnek ṭum hnihnaa Fury-a’n Wilder hnenah World Champion title a laksak ṭum khan an inremnaah Wilder hian a duh chuan Fury hi hmachhawn leh turin an lo ziakfel tawh a ni.

Fury hian mi 31 hnek tawhin a la tlawm miah lo a, hetihlai hian Wilder hian mi 44 a hmachhawn tawhah Fury chiah hi hneh loh a la nei a ni.

This site uses Akismet to reduce spam. Learn how your comment data is processed.