@ India shooter Manu Bhaker leh Rahi Sarnobat-te chuan Women’s 25M Pistol-ah top 8 an thleng a, Manu hian 292 out of 300 kâpin, Sarnobat hian 287 a shot ve bawk a, India chuan Olympic-a shooting medal hmasa a la thei dawn em tih chu anni pahnih kutah a innghat a ni.
@ India tana medal la tura beisei berte zinga mi, World champion ni lai PV Sindhu chuan Badminton women’s singles quarterfinal thleng a, Rio Olympic 2016-a silver medal dawngtu kum 26 mi hian 13th seed Blichfeldt chu straight set 21-15, 21-13-in a hneh a ni.
@ India Men’s Hockey team chuan champion lai Argentina chu 3-1-in an hneh a, heti hia Group-A-a match 4 an khelh tawhah ṭum 3 an chak tawh a, world champion Australia an hmachhawn leh dawn a, Group-A-ah hian a chung pahnihah an tel dawn chiang tawh a ni.
@ Indian archer Atanu Das chuan pre-quarterfinal-ah Olympic champion ṭum hnih ni tawh Oh Jin Hyek chu a hnawt chhuak a, Deepika Kumari pawhin women’s individual archery-ah round of 16 a inhlangkai bawk.
@ India mi Olympic super heavyweight (+91kgs)-a tel hmasa ber Satis Kumar chuan Olympic-a a telna hmasa berah quarterfinal thlengin, Jamaica Ricardo Brown chu 4-1-in a hneh a, hetihlai hian world champion ṭum 6 lo ni tawh, MC Mary Kom (51 kg) erawh Olympic medal pahnih lak a tumna kawngah a hlawhchham a, pre-quarterfinal-ah 2016 broze medallist Colombian Ingrit Valencia lakah 2-3-in a tlawm a ni.
Olympic Medal Table
Country G S B TT
- China 15 7 9 31
- Japan 15 4 6 25
- US 14 14 10 38
- Russia 8 11 9 28
- India 0 1 0 1