ASF vanga vawk thi 21,414 tling tawh

Nimin khan African Swine Fever (ASF) vawk pulhri vangin Mizoramah vawk 205 an thi leh a, heti hian Mizoram hmun hrang hrangah ASF vanga vawk thi hi 21,414 a tling tawh a ni.

Nimin thleng khan Mizoram district 11-a khua leh veng 224 te chu ASF lenna-ah puan a ni tawh a. Vawiin vek khan Animal Husbandry & Veterinary department hriatpuina in vawk 45 suat a ni a, heti hian vawk suat tawh zawng zawng zat chu 8,278 an tling tawh a ni.

Nimin khan chhan hriatloh, mahse ASF vawk pulhri vei ni a rinhlelh, vawk thi 11 awmin, heti hian Aizawl, Serchhip, Mamit, Champhai, Hnahthial, Saitual, Lawngtlai, Kolasib, Lunglei, Khawzawl leh Siaha district-ah te chhanhriat loh, ASF rinhlelh vanga vawk thi 655 a awm tawh a ni.

Vety department chuan vawk leh sanghal thi a awmin phone number 8731975444 leh 8974027269 ah te hriattir turin mipuite an chah a ni.

Leave a Reply

This site uses Akismet to reduce spam. Learn how your comment data is processed.