District chhunga hri kai zat 962 tling tawh

Nimin khan Serchhip Vengchung aṭangin Covid-19 hri kai pahnih hmuh belh an ni leh a, heti hian nimin thlenga Serchhip District-a hri kai hmuhchhuah tawh zawng zawng chu mi 962 an tling tawh a ni. Nimin khan Covid-19 hri kai enkawlna Nursing School, Serchhip aṭangin mi 4 chhuahtir an nih bakah in lama inenkawl mi 5 chhuahtir an ni bawk a, hengte nen hian hri kai enkawl dam tawh hi mi 867 an tling ta a, nimin khan District chhunga hri kai enkawlna hmun hrang hrangah enkawl lai 92 an awm mek a ni.