Kumin nipuiah Harry Kane a chhuak dawn lo

England captain Harry Kane chuan kumin nipuiah Tottenham-ah a châm tlang dawn tih sawiin, club-in hlawhtlinna a chan theihna atana thawh chu 100%-in a ngaihtuah tih a sawi.

Manchester City chuan Kane lakluh tum hian hun rei tak hun an lo hmang tawh a, Kane pawh hian Spurs chairman Daniel Levy chu chhuak turin gentleman’s agreement a neihpui hman niin hriat a ni a, mahse Levy hian kum 28 mi chhuahna tur atan hian inbiakna a neihpui zui ta lo a ni.

Pathianni liamta khan Kane chuan tun season-a Spurs tana a game hmasa ber khelin si khat faia Wolves an hneh tum khan bench aṭangin a lut a, Kane chuan social media-ah “Pathiannia Spurs fan-ten min lo lawm dan kha a ropui ka ti em em a, tun hnai chhoah min thlawp thu min rawn thawnte pawh ka chhiar a. Kumin nipuiah chuan Tottenham-ah ka la awm zui dawn a ni,” a ti a, Spurs boss Nuno Espirito chuan Kane-a’n a hmalam hun a chingfel thut chu “news lawmawm dangdai tak a ni,” a ti.

Leave a Reply

This site uses Akismet to reduce spam. Learn how your comment data is processed.