Nimin khan Sports Minister Robert Romawia Royte, Mizoram State Sports Council President ni bawk hovin Aijal Club-ah Mizoram State Sports Council General Body meeting neih a ni.
Robert Romawia Royte chuan Olympic Games-a India leh Mizoram tihming-ṭhatu Lalremsiami anga Olympic-a Mizoten dinhmun 4-na an la hauh pha ngai lova, chuvangin a chungah Mizoram sawrkar a lawm tak meuh meuh a, Chief Minister-in a lo tiam tawh angin, Mizoram sawrkar chuan sawrkar hna ṭha tak a pe dawn a ni a ti a, Minister chuan tunah Mizoram sawrkara Sports Department chuan cheng nuai 20,000 velin hma a la mek a, Sports tihchangtlun nan state sum ringawt hmang lovin ‘Khelo India’ leh thildang aṭangin sum hmuh a ni a ti bawk.
India aiawha hmeichhe hockey player Lalremsiami chu August 25, 2021 khian Lengpui Airport-ah a lo ṭum dawn a, amah lawmna leh chawimawina neih dan tur ngaihtuahtur Committee an siam nghal a ni.
MSSC General Body meeting hian Annual Programme 2021-2022 leh Annual Report 2020-2021 te sawihovin an pawm a ni.