Remsiami hnenah inhmun leh sawrkar hna pe dawn

Tokyo Olympic-a India Hockey Team tana che ṭha tak, Kolasib nula, Lalrem-siami chu sawrkarin an khuaah in hmun a pek bakah sawrkar hna ṭha tak a pek a nih tur thu Chief Minister Zoramthanga chuan Twitter kaltlangin a puang.

Mizoram sawrkar hian Lalremsiami hi Hockey-a Mizoram tihmingṭhatu a nih avangin kum 2019 khan cheng nuai 20 a lo pe tawh a, tuna Tokyo Olympic an khelhah pawh pathumna inchuhnaah India chu vanduai zawkah ṭang mahse Lalremsiami chu India team innghahna player pawimawh tak a ni a, Tokyo Olympic-a Mizo ai a awhna avang leh a chet ṭhat em avangin Mizoram sawrkar hian cheng nuai 25 a pe dawn bawk a ni.

Lalremsiami hnenah hian Olympic ṭan hma khan cheng nuai 10 hlan a lo ni tawh a, a bak zawng cheng nuai 15 chu alo haw velah hlan a ni dawn a, Sports Minister Robert Romawia Royte chuan Lalremsiami hi Kolasib-ah hmun ṭha lai taka inhmun pek a nih tur thu leh Sawrkar hna ṭha tak ngaihtuahsak a ni dawn tih a sawi bawk.

Leave a Reply

This site uses Akismet to reduce spam. Learn how your comment data is processed.