Serchhip District Deputy Commissioner chuan Serchhip Vengchung Village Council huam chhungah Covid-19 hri kai hmuh chhuah an pun zel avangin Vengchung Village Council huam chhung chu ni 16.8.2021 atanga ni 19.8.2021 zan dar 7:00 inkar chhung atan hmun khuahkhirh bik (Restricted Area)-ah a puang.
Restricted area chhunga cheng zawng zawngte chu mahni inkharkhip vek tur a ni a, lirthei tlan tlang reng reng chawlh emaw din emaw khap a ni a, rikrum leh hmanhmawhthlak thila chhuah ngaite chuan VLTF remtina la hmasain leh sawrkar dan siamsa zawmin chhuah phal a ni.
Executive Magistrate, Health Department, Police leh Fire & Emergency Services, PHE Deptt., P&E Deptt., Excise & Narcotics Department-a hnathawkte, Restricted area-a duty nei leh DC emaw, SDO (Sadar), Serchhip emawin a bika phalna a pekte chu khuahkhirhna hian a huam lovang.