2019-20 chhungin Mizoramin buh MT 37,335 thar chhuak

Kum 2019-20 chhungin Mizoramah buh chinna 16700 Ha aṭangin MT 37,335 thar chhuah a ni a, 1 Ha. aṭangin buh Kg. 1710.85 thar chhuah ang a ni.

Niminpiaha Directorate of Economics & Statistics-in Statistical Handbook of Mizoram 2020 a tlangzarha a tarlan danin, kum 2019-20 chhungin tlangram lo 18,510 Ha aṭangin buh MT 22,904 tharchhuah a ni a, nipui laia leilet siam 16,232 Ha-a zau aṭangin MT 36,357 thar chhuah niin, thlasik laia leilet siam 468 Ha-a zau aṭangin MT 978 thar chhuah a ni bawk a ni.

Hetihlai hian hemi hun chhung vek hian Food, Civil Supplies & Consumers Affairs Department chuan Mizoramah buhfai quintal 10,01,293 (MT 1,00,129.3) an chaw lût thung a, buhfai chawk luh aṭang hian AAY chhungkaw 26002 hnenah 109208.6 Qtls. sem chhuah niin, PHH chhungkaw 129523 hnenah 370777.8 Qtls. sem chhuah a ni a, Non-NFSA chhungkaw 155894 hnenah 517706.88 Qtls. sem chhuah niin, Midday meal atan 28275.20 Qtls. sem chhuah a ni bawk a ni.

Serchhip District bikah leilet siam theihna 3710 Ha-a zau awmin, leilet siam tawhna hi 2352 Ha-a zau a awm a, chhungkaw 1982-ten an enkawl a ni.

Mizorama thlai (Agricultural crop) thar chhuah dang zingah hemi hun chhung hian Vaimim chu MT 11,568 tharchhuah a ni a, be lam chi (pulses) MT 5,507, oilseeds MT3488, Fu (sugarcane) MT 46842 leh Alu (potato) MT 534 thar chhuah a ni bawk a ni.

Leave a Reply

This site uses Akismet to reduce spam. Learn how your comment data is processed.