Zothlifim Logo
Loading ...

Nimin (27.9.2021) khan Serchhip Bialtu MLA Lalduhoma chuan a Bial chhunga Covid-19 hrikai enkawlna hmun hrang hrangte a tlawh a, an mamawh hrang hrangte a pe bawk.

Lalduhoma hian Thenzawl leh Serchhipa Health department hnuaia Covid-19 avanga dam lo enkawlna hmun leh khawtlang enkawlna hnuaia din 4C te chu a hmuna tlawhin an dinhmunte a thlithlai a, thawktute nen thu pawimawh sawihoa inhrilhna hun an hmang bawk.

Bialtu MLA hian a Bial chhunga 4C a tlawh kualahte hian ṭanpuina pawisa fai leh RAgt test kit engemaw zat, mamawh huna hman turin a pe hlawm a, Serchhip Sub-Hqrs. YMA hnenah leh Thenzawlah Oxygen Concentrator pakhat ve ve a pe bawk.

Bialtu MLA-in MLA Fund aṭanga a Bial chhunga Covid 19 hri avanga mamamawh leh ṭanpuina a pekte chu – Oxygen Concentrator – 2 nos.; N95 facemask – 400 nos.; Faceshield – 400 nos.; Surgical mask – 200 nos.; PPE suit – 80 nos.; RAgT test kit – 1,000 nos. leh Buhfai – 15 qntls. a ni.

Lalduhoma hian Thenzawl tan Ambulance a lo pe tawh a, District Hospital Serchhip leh Thenzawl CHC-a hman tur swab sample test-na khawl, S.Korea siam Standard F200 Analyser pakhat ve ve pek a tum bawk a ni.