Health & Family Welfare Department, Government of Mizoram chuan COVID-19 sample test chungchanga zawm tur inkaihhruaina thar nizan (24.10.2021) khan a hnuaia tarlan ang hian an tichhuak :
1. Covid-19 test tur mi te: A hnuaia tar lan ang hian Covid-19 test chu tih tur a ni:
1.1 Mizorama lo lutte chu Entry Point-a Screening SOP ding lai angin test tur a ni.
1.2 Covid-19 natna lang chhuak, eg. khawsik, hrawk na7 thip, khuh, rhinitis (hnarza/ping/hnaptui), kawthalo, rim hriatna kiam/hloh, thawk lama harsatna nei tawh phawt chu, vaccine lo la tawh leh hri vei dam leh pawh ni se, RAgT in test thuai tur a ni.
1.3 Primary High Risk Contact [Covid-19 hri kai nena invenna (Mask/Kutkawr etc) vuah lova feet 6 inhnaiha minute 15 emaw, a aia rei emaw lo awmhote] chu chutianga an lo awmho (contact) atanga ni 5-10 chhungin RT-PCR/ TrueNat within 5-10 days chhungin test tur a ni.
* Covid vaccine full dose la tawh pawh test tur a ni a, amaherawhchu test neih hma ni 5-10 chhung hian quarantine kher lovin uluk takin CAB an zawm a tawk ang.
* Thla thum kal ta chhunga Covid-19 vei dam leh tawhte chu symptom an nei thar leh a nih loh chuan Covid-19 veite lo awm hnaih pawh ni se test kher an ngai lo va, chu’ng mite chu Covid hri vei awmna chhungkua ‘Home Isolation’-a awm an nih erawh chuan Contact Tracing leh Home Isolation SOP te an zawm ang.
1.4 Anmahni enkawltu Doctor / Hospital thuneitute’n Covid-19 test ti tura an hrilhte.
2. Testing:
2.1 Test tur sample lak record ah hian sample lak ni, dar leh minute zatte chhinchhiah tel ngei tur a ni a. Chu’ngte chu Test Result/ Certificate ah tar lan bawk tur a ni.
2.2 RAgT positive te hi chian lehzual tuma Test nawn a tul lo.
2.3 Covid-19 symptom nei chunga RAgT test result negative si chu, rang takin RT-PCR/ TrueNat hmanga test zui vat zel tur a ni.
2.4 Covid-19 symptom nei, RT-PCR/ TrueNat test a negative si chu, a khawsik pang sa > 100.4° F emaw, a Oxygen level (Sp02) <94% emaw, a khuh reh lo leh zual lam pan te a nih chuan, hospital/ Doctor hnai ber panpui vat tur a ni.
2.5 Covid-19 test-tu te’n an test result chu positive leh negative result-te nen ICMR portal-ah test neih ni vekin kim takin an upload ngei ngei tur a ni.
2.6 Eng test dan hmang pawha Covid-19 test positive reng reng chuan (self-test telin), an veng Local/ Village Level Task Force te an in-report ang a. Anmahni bialtu Medical Officer (Doctor)/ CMO emaw, Helpline Nos. 102/ 0389 2323336/ 0389 2322336/ 0389 2318336 ahte ‘thurawn’ lain chu chu an zawm ngei tur a ni.
3. Mi tu man an thih hnuin Covid-19 test tih loh tur a ni.