Serchhip District-ah Halmawi, halpuah leh silai lem a mu kah chhuah theih khap

Serchhip District-ah Halmawi, halpuah leh silai lem a mu kah chhuah theih khap a ni.

Serchhip District Magistrate, District Bawrhsap ni bawk Kumar Abhishek, IAS chuan October ni 17 khan hriattirna tichhuakin, Serchhip District huam chhungah kum 2021 Krismas leh kum 2022 kumthar vuakvetah Halpuah, halmawi, sky lantern leh puakthei thil dang, boruak ṭha lo siam thei leh ri bengchheng siam thei chi reng reng lakluh, zawrh, hralh, hal leh hman khap tlat a ni tih a tarlang a, Naupang silai lem, a mu hmang chi reng reng lakluh, zawrh leh hralh khap tlat a nih thu a tarlang bawk.

Halpuah leh halmawi chi-ten mihring hriselna leh boruak a tihchhiat bakah ri bengchheng a siam a, silai lem, a mu nei chiten mihring piansualna a thlen fo avangin 144 CrPC, 1973 in thuneihna a pek angin khapna thupek a tichhuak tih tarlangin, thupek hian thu leh awm hma chu puan a nih (27.10.2021) aṭanga thla hnih chhung a huam dawn a ni.

Leave a Reply

This site uses Akismet to reduce spam. Learn how your comment data is processed.