Aizawl DC Office kang thenfai hnatlang, nimin khan office hnathawktuten an nei a. DC Office a thawk pension tawhte bakah Tuikual Local Council ten an pui bawk a ni.
DC Office hi kar kalta Zirtawpni zingkar khan a kang a, a kang chhe hneh hle a. DC Office ṭhenawm a mi Aizawl Press Club leh MHIP Office te pawh tukverh thenkhat kang chhiain a chhunga bungrua awm pawh a chhe nual a. A bul hnaia awm I&PR Office current line te pawh a kang chhia a ni.
DC Office hi kumin chhung mipui tan dawr theih anih dawn loh thu puanzar a lo ni tawh a. DC Dr. Lalhriatzuali Ralte chu SP, Aizawl Office ah thutna ruahman sak lailawk a ni a, Hetihlai hian MINECO-a Multi Level Car Parking, chu DC Office atan cheibawl phawt a ni ang.
Tun dinhmunah DC office mipui tan dawr theih hun tur hi sawi theih a la ni rih lo a ni.