Zothlifim Logo
Loading ...

MINECO-a Multi Level Car Parking chu vawiin khan Deputy Chief Minister Tawnluia chuan a hawng.

Deputy Chief Minister Tawnluia chuan UD&PA Minister lo ni tawh ṭhin Zodintluanga chungah lawmthu a sawi a. Multi Level Car Parking hi sawrkar hmasa in bul a lo ṭan tawh a ni a, hlamchhiah mai loin, tihpuitlin nan tun sawrkarin theihtawp a chhuah a ni, a ti a. Sawrkar hmasa tih vanga hnual mai lova, thilṭha a nih avanga chhunzawm a ni a, project phuailuai erawh chhunzawm theih a ni ṭhinlo a ni a ti.

Tawnluia chuan khawpui hmasawnna leh mawhphurhtu UD&PA Department chuan nasa takin hma a la tih sawiin bawlhlawh sawngbawl, vantlang vahvelna tur te, chenna hmun te, leh khawpuia retheihna umbo thlengin Department kutah a awm a ni a ti a. Heng bakah hian PWD te nen tangkawpin kawng peng siam rem leh zauhna kawngah te hma la in, ke a kal te tan pawh pedestrial footpath mawi hnai tak tak te siam chho zel a ni, a ti.

MINECO-a Multi-Level Car Parking sakna tur hi kum 2017 khan Ministry of DoNER atangin sum cheng nuai 3601 hmuh a ni a, Mizoram sawrkarin a tum ve tur chu cheng vbc 3 chuang a ni a, Mizorama Motor dahna atana siam tawh zinga lian ber leh dawng hlâwk ber ani dawn a ni.

Multi-Level Car Parking ah hian lirtheite chi 354 leh ke hnih nei 224 leng tura sak a ni a, Sawrkarin a enkawltu tura a ruat General Administration Department kutah hlan nghal a ni.