Skip to content
Home » Chanchinthar » Synod Inkhawmpui nei tan

Synod Inkhawmpui nei tan

Mizoram Synod Inkhawmpui vawi 98-na chu nimin aṭang khan ṭan niin, December ni 12 (Pathianni) thleng neih a ni dawn a, tun ṭum Synod inkhawmpui hi Republic Veng Pastor bial chuan Republic Veng Kohhran biak inah nghah a ni.

Synod inkhawmpui hun chhung hian December 1 aṭang khan Board leh Committee hrang hrang an ṭhukhawm a, nimin khan Nomination Committee a ṭhu a, December 8-11 chhungin rorel a ni dawn a, December 12 chawhma inkhawmah Pastor nemngheh leh Pro Pastor dahngheh inkhawm a ni ang a, chawhnu inkhawmah minister thi sûnna leh moderator kal chhuak tur, valedictory sermon inkhawm neih a ni ang.

Kumin Synod Inkhawm-puiah hian hrileng mekin ziaawm lam a la pan theih loh avangin zan lamah vantlang Pathian biak inkhawm a awm dawn lo a, hri leng vangin ṭum danga hman ang ni lovin, palai kal tur chin bithliah siamin tihtlem a ni a, palai hi 777 an ni.

Leave a Reply

This site uses Akismet to reduce spam. Learn how your comment data is processed.