Zothlifim Logo
Loading ...

3rd National Water Awards – 2020-ah Serchhip District chhunga awm, Sialsir khua chuan North East Zone aṭangin ‘Best Village Panchayat’ lawmman pakhatna a dawng.

January ni 7, 2022 kha National Water Award – 2020-a lawmman dawng-tute hi Union Minister of Jal Shakti Shri Gajendra Singh Shekhawat chuan Delhi-ah a puang a, he award hi kum 2018 aṭang khan Ministry of Jal Shakti chuan a lo kalpui tawh a, Sialsir khua hi Mizoram aṭanga award dawng awmchhun niin, Sialsir hnuaiah hian Meghalaya-a West Garo Hills-a khaw pahnih – Aminda Simsanggre leh Chambagre-te an awm a, ‘Best State’ category-ah Uttar Pradesh chu pakhat-na niin, Rajasthan leh Tamil Nadu-ten an dawt a ni.

He award hi tui hna enkawl kawnga midangte entawn tlaka thawkte hnenah hlan ṭhin a ni a, 3rd National Water Awards-ah hian categories 11 siam niin – Best State, Best District, Best Village Panchayat, Best Urban Local Body, Best Media (Print & Electronic), Best School, Best Institution/RWA/Religious organization for Campus usage, Best Industry, Best NGO, Best Water User Association leh Best Industry for CSR Activity-te a awm a, hengah hian Award 57 sem chhuah niin, lawmman dawngtute hi trophy, citation leh pawisafai hlan an ni dawn a ni.