Zothlifim Logo
Loading ...

Rafael Nadal chuan Australian Open final-ah Daniil Medvedev hnehin Men’s Singles-ah a champion a, Nadal hian a Grand Slam title 21 na a la a, Men’s Singles Grand Slam title la hnem ber a ni ta.

Nadal hian a tir set hnih hloh mahse set thum a la zui a, set nga hmuhnawm tak an khelh hnuah Nadal hian 2-6, 6-7 (5-7), 6-4, 6-4, 7-5-in Medvedev hi a hneh a, a vawi hnih nan Australian Open title a la a ni.

Nadal hi set hnih hloh hnuah a comeback mawh viau a, Grand Slam-a a tih hnuhnun ber chu 2007 daih kha niin, Youzhny lakah Wimbledon 4rd round-ah a comeback a, tunah Medvedev lakah ropui takin a rawn come back leh ta a ni.

Nadal hian Novak Djokovic record ding lai, double career Grand Slam (Grand Slam pali a vawihnih tal champion vek thei) a nih rual bawk a, tunah rih chuan ani aia tennis player ropui an awm lo a tih theih hial awm e.

A hma khan Novak Djokovic leh Roger Federer-te nen Nadal hi Men’s Singles-ah Grand Slam title la hnem ber an ni a, Nadal hian Australian Open title a lâk leh takah chuan Grand Slam title 21 neiin, Djokovic leh Federer te a khûm ta a ni.

Kum 35 mi Nadal hian Australian Open title pahnih a lak tawh bakah hian Wimbledom title pahnih, US Open title pali leh French Open title 13 ngawt a la tawh a ni.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117