Asleigh Barty chu Australian zinga kum 42 chhunga Australian Open women’s singles final thleng leh thei hmasa ber a ni a, final-ah hian Danielle Collins a hmachhawn dawn a ni.
Wimbledon champion kum 25 mi, Barty hian semi-final-ah hian unseeded Madison Keys chu straight set, 6-1, 6-3-in a hneh a, top seed, Barty hian Australian mipa leh hmeichhe zingah kum 1978-a Christine O’Neil hnua singles title la thei hmasa ni turin vawi khat chak chiah a mamawh tawh a ni.
Final-a a hmachhawn tur 27th seed, kum 28 mi, Collins hian semi-final-ah seventh seed Iga Swiatek chu 6-4, 6-1-in a hneh a, a vawi khatna atan Grand Slam final a thleng a, Collins hian zaipui a tawh aṭanga kum khat tlin hma-in Grand Slam final a lût thei a ni.