Health Minister Dr R. Lalthangliana chuan ZMC ah RT-PCR khawl pariat (8) awmin Lungleiah pakhat an nei tawh tih a sawi a, Champhaiah RT-PCR khawl pawh a awm tawh a, khawlin a ken tel bungraw hrang hrangte pawh lakhawm mek a nih thu leh khawl bunna tur sak hna pawh thawh ṭan tawh a nih thu a sawi.
He thu hi Inrinni-a Lengpui CHC-a Mobile I-Lab an tlawhnaah a sawi a, Health Minister hian Lengpui VLTF-te hnenah Covid-19 dona hmanraw chi hrang hrang a hlan nghal a ni.
Dr Gracy Laldinmawii, Asst. Professor, Department of Microbiology, ZMC chuan April ni 7, 2020 aṭanga RT-PCR sample an test ṭan thu sawiin, test a tam poh leh a hautakzia a lang zel a, test kit mai bakah a ken tel ngai re-agents leh thil dangte a hautak tih a sawi a, sawrkarin chatlak lova sample test a nih theih nana hma a laksak ṭhin chu lawmawm a tih thu a sawi.