Nimin khan Mizorama Opposition party-te bakah intellectual Circle aṭanga sawmbikte chuan Mizoram BJP Office-ah inrawn-khawmna hun neiin, Mizo-rama sawrkarna chelh mektute chu Constitution bawh-chiatna leh, Dan leh Thupek kenkawh kawngah an hlawh-chham avangin Mizoram chu ‘President’s Rule’-a awm tura hmalak nise an ti.
Nimina BJP Mizoram thuchhuah tarlan danin, he inrawnkhawmna hun hi BJP president, Vanlalhmuaka’n kaihruaiin, party aiawh aṭanga kalte bakah mimal sawmbikten thu an sawi a, Mizoram kalphung diklo siamṭhat hna thawk tura ṭan rual chu ṭha tiin, dan leh hrai kenkawhna kawngah Mizoram sawrkar a hlawhchham chian em avangin President’s Rule-a awm tur a hmalak leh, Assembly Session lo awm tura sawrkar rintawk lohna (No Confidence Motion) put luhte chu mahni Party-ah ṭheuh a sawiho tura thu dah a ni a, hun remchang hmasa berah ṭhutkhawm leh tura ruahmanna siam a ni.