Nimin khan Chapchar Kût Organising Committee chu an Chairman Chief Minister Zoramthanga hovin Assembly Annexe Conference Hall-ah kumin March ni 4-a Chapchar Kut lawm dan tur relin an ṭhukhawm a, Covid-19 hrileng hluar thar leh avangin mipui tam tak pungkhawma lawm a remchan loh thu sawiho a ni a, nikum 2021-a TV leh internet kaltlanga mipui chhim theih tura Live/Virtual programme buatsaih tak ang khan kuminah pawh lawm leh mai se, tiin an rel a, Kût puala souvenir siam ṭhin, nikuma tih tak loh chu kuminah chuan siam leh ngei ni se tih a ni bawk.
Kumin Kût thupui tur te, signboard leh gate siam chungchang te, media lama hmalak leh programme hman dan tur kimchang zawk leh ṭul dangte chu Programme Committee-in a lo ngaihven zui tura dah a ni.
Nimin meeting-ah hian Art & Culture Minister R.Lalzirliana leh organizing committee member dangte kim takin an tel a ni.