Skip to content
Home » Chanchinthar » Mizoram Badminton Assn. C’ship-ah Serchhip player-te che tha

Mizoram Badminton Assn. C’ship-ah Serchhip player-te che tha

January ni 24–28, 2022 chhunga MBA leh TATA Trusts-te ṭangkawpin Mizoram Badminton Association Official Championship 2022 neih tura ruahmanna a lo siam tawh sa chu sawrkar SOP thar avangin tum angin neih chhunzawm theih a ni ta lo a, hetihlai hian category eng emaw zahah result hriat hman niin, Serchhip aṭanga badminton player kalte pawh an che ṭha hle a ni.

Kum 14-a upa Lalrem-puii, Serchhip Ramthlun Veng chuan category thum (3)-ah a khel a, a khelhna category zawng zawngah hian a champion vek a, Under-19 Girl’s Singles, U-17 Girl’s Singles leh Under-17 Girl’s Doubles-ahte a champion vek a, MBA ranking tournament-ah hian category thum (3)-ah chiah a tel theih a ni. Ani hi Serchhip RDC coach Albert Lalnunhlima hnuai a inzir a ni.

Ani bakah hian C.Lalrohlua, Serchhip Kawnpui Badminton Club (SKBC) leh a ṭanpui pa-te chu U-19 Boy’s Doubles-ah an champion a, Lalremfeli (SKBC) pawh U-19 Girl’s Doubles-ah a ṭanpui nu nen runner-up a ni a, U-17 Boy’s Doubles-ah Lalnun-tluanga leh Vanlalmal-sawmzuala Serchhip BC-te an champion a, U-17 Girl’s Doubles-ah hian Lalhlupuii Zadeng, SKBC leh a ṭanpui nu-te chu runners up an ni bawk a ni.

U-15 Boy’s Singles-ah Vanlalpekhlua Sailo, SKBC chu a champion a, U-15 Boy’s Doubles-ah Mal-sawmhlua & Vanlalpekhlua Sailo, SKBC-te ṭangdun chu an champion a, U-13 Boy’s Doubles-ah Lalthu-thlungmawia, Serchhip BC leh a ṭanpuite chu runners-up an ni bawk a ni.

Leave a Reply

This site uses Akismet to reduce spam. Learn how your comment data is processed.