Provisional Employee-ten sawrkar ngên

Mizoram sawrkar hnuaia department hrang hranga thawk provisional employee pawl ‘Provisional Employees Association of Mizoram’ chuan thuchhuah siamin Mizoram sawrkarin hna hnuaihnung zawk thawk, provision employee-te regular ve na, May 28,2020 aṭangin austerity measure hmanga kum 2 dawn a tihtawpsak lailawk chu a rang thei ang bera hlip turin an ngen tih an sawi. “Sawrkar hnathawk nghet zawkte promotion leh MACP tluang tak leh châwl loa a kaltir thei hi lawmawm kan tih rualin direct recruitment, auste-rity measure-in a huam ve tho te lak an ni reng leh tihpuitu nei ṭhate khapna danin a dang leh chuang si lo hi association chuan ṭha a ti loin hriatthiam har a ti takzet,” tiin rualkhai taka kal tlân theih nan austerity measure chu hlip tur leh an hamṭhatna neih chhun, ‘regularisation scheme’ chu dansak tawh lo turin an ngen.