Zothlifim Logo
Loading ...

Nimina Aizawla Republic Day vawi 73-na lawmnaah Literatute & Education huanga a hnathawh ṭhat avanga ramchhunga civil mite chawimawina sang Padma Shri Award dawngturin V.L Nghaka, Ramhlun, Aizawl thlan a nih thu puan a ni.

Kum 91 mi, VL Nghaka hian Hindi Grammar bute siamin, Hindi zirnabu hrang hrang leh sapṭawng zirnabu a siam a, Hindi Prachar Sabhaah Founder President a ni a, sawrkar hna a thawh laiin Scool Education Departmentah DEO a ni ṭhin a, chumi hnuah DIET Principal niin a pension a ni.

Padma Shri Award bakah hian Police leh Excise hnathawk thazualte puan a ni bawk a, President’s Police Medal for Distinguished Service dawng turin CID (Special Branch) DSP LalrinthangaRalte thlan a ni a.

Police Medal for meritorious service dawng turin Thenzawl Police Training School Principal HL Thangzuala, 3rd Bn MAP Armed Branch Inspector Lalrammawia, Mamit Police Radio Station officer in-Charge SI R Vanlalruata leh BSF Frontier Headquarters Mizoram ASI (General Duty) Dilip Kumar Biswas-te thlan an ni.

Governor’s Gold Medal (Police) dawngtute chu Aizawl DEF Constable P.C. Lalrinsanga leh Constable Lalhriatpuiate thlan an ni a,

Governor’s Silver Medal dawngtute chu Inspector (AB) F. Tlanghmingthanga, 1st IR Bn. Hav. Rohlupuia, 2nd Bn, MAP, Constable Lalringzuala Fanai, 3rd Bn MAP, Constable PC Siamkima, Aizawl DEF leh Constable R.Lalrochhara, PTS Thenzawlte an ni.

Governor’s Gold Medal Excise & Narcotics staff zinga dawngtu chu SI C.Lalbiaktluanga, Anti-Narcotic Squad leh, Governor’s Silver Medal dawngtu chu SI R.Lalrinsanga, Anti-Narcotic Squad, Commissioner of Excise & Narcotics, Constable PC Laldingngheta, Anti-Narcotic Squad-a mite an ni.