Skip to content
Home » Chanchinthar » Thenzawl atanga doctor sawn chhuah tumna Joint YMA-in dodal an tum

Thenzawl atanga doctor sawn chhuah tumna Joint YMA-in dodal an tum

Thenzawl Community Health Centre (CHC)-a Medical Officer pahnih (2) thawk lai zinga pakhat zawk Dr.Benjamin Malsawmtluanga chu ni 25.1.2022 khan sawrkar chuan Sialhawka sawn turin order a siam a, Thenzawl PTS-a M.O awm lai Dr.Lalramhluna chu Thenzawl CHC leh PTS hmui turin tih a ni.

Hemi chungchangah hian Thenzawl Joint YMA chuan Nilai zan khan Emergency Meeting ko-in, Thenzawl CHC aṭanga Doctor sawn chhuah a ni leh CHC-a Doctor awm tur zât ang pawh an awm loh laia PTS Thenzawl nena inṭawm tura Doctor siksawi a ni chu pawi an tih thu sawiin, Thenzawl CHC Doctor-te chu khaw ṭhenawm nen an inṭawm thu sawiin, Covid-19 hri lengah pawh doctor-te an indaih lo hle tih sawiin, hetianga Doctor-te kiam tur zawnga ruahmanna awm chu Thenzawl Joint YMA chuan theihtawp chhuaha dodal an tum thu an puang a, Thenzawl Joint YMA chuan hemi chungchangah hian Thenzawla NGO hrang hrang nen Joint Meeting an ko nghal a, an hmalakna turah mipui ṭawiawmna an ngen thu an sawi bawk.

Hemi chungchangah hian MNF Serchhip West Block hruaitute chuan Health Minister Dr. R.Lal-thangliana biain, harsatna an neihte thlen a tih thuchhuah siamin an tarlang a, Joint VC lam pawhin Minister bakah C.Lalram-zauva Adviser to CM hnenah te hmalak sak turin an thlen bawk a, sawrkar hotute chuan an thu thlente ngai pawimawhin an tihhlawhtlin sak thei dawn tih sawiin, lawmawm an tih thu an thuchhuah siamah chuan an tarlang a ni.

Leave a Reply

This site uses Akismet to reduce spam. Learn how your comment data is processed.