Zothlifim Logo
Loading ...

Serchhip Ṭhalai Pawl (SṬP) chuan Inrinni khan Health Minister Dr. R.Lalthangliana hnenah Serchhip District Hospital Building sa thuai tura ngenna ziakin an thlen.

SṬP-in Health Minister hnena ngenna an thehluhah chuan Serchhip District hospital chu District dangte khaikhinin a tlabal tawh hle a, mipuite mamawh a pha tawh lo hle tih sawiin, hetiang a nih laia khum 100 awmna tur Serchhip District Hospital building thar sakna atana CSR fund aṭanga cheng vbc. 21 lai hmuh a nih tur chu mipuite pawhin lawmawm an tiin an nghakhlel tawh hle tih an sawi a, he fund hmuh a nih theih nana hmalaksaktute chungah lawmthu an sawi a ni.

Hemi rual hian Hospital sakna hmun tur atan hian tuna a din mekna hi chu a hmunhmaten a zawh tawh loh mai bakah khum 100 awmna Hospital din tur chuan a hmunhma leh a chhehvel chu tihngaihna a awm tawh lo nia a lan thu an sawi a, hemi hre reng hian kum 2021 khan Sechhip Town huamchhunga NGO Coordination Committee chuan Serchhip leh Chhiahtlang inkar, Bukpui rama sak turin ruahmana a lo siam tawh thu leh, hei hi sawr-karah pawh an hriattir tawh nia an hriat thu an sawi.

Serchhip Ṭhalai Pawlte chuan NGO Coordination Committee-ten ruahmanna an lo siam tawh hi an thlâwp thu leh, khawtlang hruaituten ruahmanna an lo siam tawhna hmunah damdawi in khum 100 awmna chu a rang lama sak sak turin Health Minister hnenah hian an ngen a ni.