BJP Mizoram Pradesh chuan Mr Abu Majumdar chu Delhi inbiakna leh Dinner neih honaah Assam CM Party zinga mi leh Assam CM team hruai nilovin, Mizoram CM Party zinga mi a ni, an ti.
Nimina thuchhuah an siamah BJP Mizoram Pradesh chuan Mizoram leh Assam ramri chungchanga Mizoram Chief Minister Zoramthanga leh Assam Chief Minister Himanta Biswa Sarma te inbiakna leh Dinner eihona a Abu Majumder lo tel ve a, Team (photo) thlalaknaa Mizoram lama Abu Majumdar lo tel ve thu kal zelah, Mizoram CM Office chuan Assam lam rawn hruai a nih a rinawm tiin thuchhuah a siam tih an sawi a, MNF Party Hqrs pawhin Assam CM lam hruai an ti bawk a, Mizo mipuiten thudik hriat hi kan duh avangin BJP Mizoram Pradesh chuan hma an la ta tih sawiin, Assam Chief Minister Office be pawpin, Mr Jyanta Malla Barua, MLA, Secretary to CM chu nimin khan biak niin,”Mr Abu Majumdar hi Delhi inbiakna leh Dinner neih honaah Assam CM Party zinga mi leh Assam CM team hruai nilovin, Mizoram CM Party zinga mi a ni tiin, Photo ah pawh a chian thu BJP Mizoram hruaitute an rawn hrilh a ni, an ti a, Mr Abu Majumdar hi Kuhva ro Mizoram aṭanga Assam rama smuggling luh thua Assam sawrkarin man tura a zawn mek a nih thu an rawn hrilh bawk niin an tarlang bawk.
BJP Mizoram Pradesh chuan Kuhva smuggler Abu Majumdar hi Assam VIP team zinga mi nise, Assam sawrkar hian man a tum lo ang a, Abu Majumdar a pawh a tlanchhiat bihruk a ngai lovang, tih chu an ngaihdan a ni tiin Mizoram Sorkar chu Dan lova kuhva tawlhrukna ah a inhnamhnawih ngei a ni tih hei hian a ti chiangin kan hria a, an ti a, thudik tak Mizo mipuite hi min hrilh thin turin kan hriat tir a ni, an ti.