Kumina Formula One-a tel tur zawng zawngte tan Covid-19 vaccine lak vek a ngai dawn.

Formula One chuan thla hmasaa FIA meeting-a thutlukna an siam bawhzuiin kuminah he dan hi an kalpui dawn a, F1 huang chhunga tel tur hrim hrim – driver bakah, team, media, hospitality worker leh intlansiakna entu tur zawng zawngte chu Covid-19 vaccine dose la kim an nih a ngai dawn a, hei hian driver-teah nghawng leh harsatna a siam loh an beisei a ni.

Nikum khan Austin, Texas-a US GP-a tel turte chu vaccine dose hnih la an nih a lo ngai tawh a ni.