Zothlifim Logo
Loading ...

Sawrkar hnathawk intelkhawm pawl FMGE & W chuan sawrkara an thilphut hrang hrangte tihhlawhtlin sawrkarin a tiam tih a sawi.

FMGE&W Executive Committee chuan nimin khan an thil phût mek chung-changa Chief Minister-in hma a lâksak dân leh February ni 21 aṭanga ni 25 chhunga Badge Dum bel an tum ṭhulh tura ngenna chung-chang a ngaihtuah hnuin sawrkarin an ngenna te a ngaih pawimawhsak avangin ṭhulh rih turin ruahmanna an siam tih an sawi.

An thuchhuaha an tarlan dânin, sawrkar chuan March ni 1 aṭangin sawrkar hnathawkte DA leh Pensioner-te DR chu zaa 17 aṭangin zaa 28-ah tihsan a nih tur thu te, Financial year tharah a rang thei angin zaa 31-ah tihsan leh tum thu leh, DA lo pung leh zel tur pawh ngaih pawimawh a nih tur thu a tiam a. Sawrkar hnathawk-te hlawh chu a hun takah pêk tum zel a nih dawn bakah Pen-sioner-te retirement bene-fits chu sawrkarin a theih ang anga chingfelin Pensioner-te hamṭhatna hmuh turte pawh ngaih pawimawh a nih tur thu a tiam a ni.