Zothlifim Logo
Loading ...

@ Manchester United chuan Champions Legue an khel phak lo a nih pawhin kumin nipuia player lakluh an tumte chu lak theih ngei an la inring a, West Ham England midfielder Declan Rice, 23, leh Tottenham England striker kum 28 mi, Harry Kane-te chu lakluh an tum zingah an tel. (ESPN)

@ Kumin nipuia Barcelona-a contract hmang zo tur, France striker Ousmane Dembele, 24, free transfer-a lakluh tuma intlansiaknaah Chelsea leh Paris St-Germain-te chu hmahruaitu an ni. (90Min)

@ Arsenal manager, Mikel Arteta-a’n kumin nipuia lakuh a tum ber, Real Sociedad leh Sweden striker Alexander Isak, 22, lakluh an tumna kawngah Gunners chuan Barcelona an el a ngaih hmel. (Daily Express)

@ Tun season tawpa Chelsea-a a contract a hmang zo tur, Spain defender Cesar Azpilicueta chu Barcelona chuan free transfer-a lakluh a kum 2 daih tur contract an zawrh. (Sport)

@ Serge Gnabry leh Bayern Munich-te chu contract thar chungchanga an indawr fel theih loh avangin Chelsea leh Tottenham-te chuan Germany winger kum 26 mi hi an thlithlai mek. (Bild)

@ West Ham chuan English full-back kum 24 mi, Ben Johnson beiseitu – Arsenal, Tottenham leh Liverpool-te vai kianna atan, kum 2024 thlenga contract ziah belhpui tura duhthlan theihna an neih chu hman ṭangkai an tum. (Standard)

@ Liverpool midfielder hlui Gerginio Wijaldum chuan kum khat hnu lekah Paris St-Germain a chhuahsan mai thei a, Atletico Madrid chuan Netherlands international lakluh dan hi an zawng a, Newcastle, West Ham leh Aston Villa-te chuan kum 31 mi hi an ngaihven bawk a ni. (Fichajes)

@ Tottenham chuan nakina an goalkeeper Hugo Lloris, 35, thlakna a nih theih beiseiin Atletic Bilbao leh Spain goalkeeper Unai Simon, 24, chu an ngaihven. (Marca)