@ West Ham leh England midfielder Declan Rice, 23, chu kumin nipui transfer window-a Chelsea leh Manchester United-te inchuh tur a ni dawn. (Mail Online)
@ Barcelona chuan Chelsea defender Cesar Azpilicueta, 32, leh Denmark centre-back Andreas Christensen, 25-te chu ni reilote hnuah inremna an neihpui theih ngei an beisei. (Sport)
@ West Ham, Manchester United leh Manchester City striker hlui Carlos Tevez aiawhte chu MLS club DC United nen an indawr a, Argentine kum 38 mi hian nikum July thlaa Boca Juniors a chhuahsan aṭang khan free agent a ni. (The Athletic)
@ Sevilla defender kum 23 mi, Jules Kounde duhtu zingah Barcelona pawh an intlar ve leh a, Chelsea pawhin France international hi lakluh an tum a ni. (Sport)
@ Manchester United chuan Andreas Pereira manah Flamengo chu £12m-in inremna an neihpui a, Brazilian kum 26 mi, Pereira hi an ramah hian loan-in a khel mek a ni. (Universo Online)
@ Tun season tawpa Stamford Bridge-a a contract hmang zo tur Chelsea leh Germany defender kum 28 mi, Antonio Rudiger chuan châm chhunzawm tur chuan chawlhkar khata £225,000 hlawh a phût a, hetihlai hian Blues hian chawlhkar khata £140,000 hlawh turin an sawm ve thung a ni. (The Athletic)
@ Zlatan Ibrahimovic chuan season dang AC Milan-a khel turin contract thar ziak leh a tum a. Sweden striker kum 40 mi hi hmun dang pan tur anga sawi ni mahse technical director Paolo Maldini chuan an hnena contract thar a ziah ngei tur thu a sawi a ni. (Sun)
@ Liverpool chuan Barcelona midfielder Gavi chu lakluh theih an beisei a, Spanish wonderkid kum 17 mi hian Barcelona-ah thla 18 chiah contract a nei tawh a, contract thar an zawrh hnuhnun ber pawh a hnar tawh a ni. (El Nacional)