Higher & Technical Education Minister Dr.R.Lalthangliana chuan Inrinni khan Govt. Serchhip College-a ‘Science Building’ sak thar a hawng.
Hawnna thu sawiin, Dr.R.Lalthangliana chuan Mizoram chu India rama Literacy rate-ah pakhatna ni turin ṭan lak zel ni se a ti a, Serchhip District chu Mizorama hmun laili tak niin, Mizo ṭawng dik hmanna hmun nia a hriat thu a sawi a, Mizorama College 30 dawn zingah A-grade hmu thei an awm loh laia Govt. Serchhip College-in a hmu thei chu thil chhinchhiah tlak leh hmasawnna ropui tak a ni a, a lawmpui takzet a ni a ti a bawk.
He Science building hi Rashtriya Uchchatar Shik-sha Abhiyan (RUSA.2.0) sum aṭanga cheng nuai 156 senga sak a ni.
Nazuk Kumar, IAS, Deputy Commissioner Serchhip pawhin he hunah hian thu a sawi a, Dr.Zarzoliana, Joint SPD chuan technical report a pe a ni.