Nimin khan Lalmuansanga Ralte, Addl. DC, Serchhip chuan Serchhip District chhunga VC hrang hrangte hnenah lehkha thawnin, Myanmar ram buai avanga raltlan, Serchhip District chhunga awm mekte chu Mizoram sawrkarin chhinchhiah hna a kalpui mek avangin anmahni remchan ang anga vah darh ngawt a rem rih lo tih hrilhin, hemi kawnga hmalaksak turin a ngên.
He lehkhaah hian raltlante chhinchhiah hna chu Mizoram sawrkarin a kalpui mek a, anmahni chhinchhiahna tur ID pawh buaipui mek a ni a ti a, District chhunga raltlan awm mekte chu mumal tak leh hmaih nei loa chhinchhiah a nih theih nan, ID siamfel a nih hma chuan tuna an awm mekna khua ni lo, khaw dang emaw, District dang emawah kal/pem mai a rem lo tih a sawi a, loh theih loh leh ṭul tak a nih chuan district danga kal turte chuan VC hriatpuinain district pawn chhuah phalna Serchhip DC Office aṭangin lâk ngei tur a ni tih a tarlang.