Nimin khan Serchhip District-ah Covid-19 hri kai mi 121 hmuhchhuah belh an ni.
CMO Office aṭanga report dawn danin, nimina hmuhchhuah belhte hi Serchhip-ah 42, Then-zawlah 21, Khawlailungah 22, Chhingchhipah 13, N.Vanlaiphaiah 9, Thentlangah 7, Pilerah 4, Chhiahtlangah 2 leh Hriangtlangah 1 hmuh chhuah belh an ni a, Serchhip khaw chhung bika hmuhchhuahnate chu – P&E Vengah 10, Veng-chungah 5, New Serchhip Venglai leh IOC Vengah 4 ve ve, Chanmari, Dinthar, Leisang leh Tuikhuah Vengah 3 ṭheuh, New Serchhip Bazar Vengah 2, AOC, Field Veng, Zozam Veng, Hmar Veng leh Ramthlunah pakhat ṭheuh hmuh belh an ni a, hengte nen hian Serchhip Distict-a hri kai hmuh-chhuah tawh zawng zawng chu mi 10344 an tling ta a, hetihlai hian nimin khan hri kai enkawl mi 32-te chu chhuahtir an ni a, hengte nen hian District chhunga hri kai enkawl dam tawh chu mi 9380 niin, hri kai enkawl mek mi 938 an la awm a, thihpui hi mi 26 an awm tawh a ni.