Nimin khan Serchhip District-ah Covid-19 hri kai mi 95 hmuhchhuah belh an ni.
CMO Office aṭanga report dawn danin, nimina hmuhchhuah belhte hi Serchhip-ah 38, Thenzawlah 21, Khawlai-lungah 6, Chhingchhipah 4, Bungtlang leh Hmunzawl-ah 3 ve ve, Buhkangkawn, E.Lungdar, Lungchhuanah pahnih ṭheuh, Neihloh, Hriangtlang leh Ngentiang-ah pakhat ṭheuh bakah Aizawl Armed veng mi 1-te hri an kai tih hmuh chhuah belh an ni.
Serchhip khaw chhung bika hmuhchhuahnate chu – Vengchungah 13, New Serchhip South-ah 6, New Serchhip North-ah 5, Chhim Vegah 4, P&E Veng leh AOC Vengah 3 ve ve, Tuikhuah Vengah 2, Venglai leh Field Vengah 1 ve ve hmuh belh an ni.
Hengte nen hian Serchhip Distict-a hri kai hmuhchhuah tawh zawng zawng chu mi 10568 an tling ta a, hetihlai hian nimin khan hri kai enkawl mi 79-te chu chhuahtir an ni a, hengte nen hian District chhunga hri kai enkawl dam tawh chu mi 9643 niin, hri kai enkawl mek mi 883 an la awm a, thihpui hi mi 26 an awm tawh a ni.