Nimin khan Sialhau khuaah Ṭawitlang Group YMA Executive Meeting neih a ni a, meeting neih hnu hian Pradhan Mantri Gram Sadak Yojana (PMGSY) kawng siam mek an enho nghal bawk.
Nimina Ṭawitlang Group YMA executive committee ṭhukhawm hian Group huamchhunga Sazuk, Saza, Hahuk leh luidung nungcha chi hrang hrangte humhalh kawngah theih tawka chaka hmalak zel nise an ti a, Covid-19 hrileng avangin Chapchar Kut 2022 hman tura lo rel chu ṭhulh mai nise an tih bakah, YMA Rorel Inkhawm erawh March ni 4, 2022-ah Khawbel khuaah zan riak lova neih nise tiin an rel bawk
Ṭawitlang Group YMA hruaitute hian Sialhau kawng (PMGSY kawng) siam mek chu an a hmun enpui nghalin, kawng siam hna thawh mek chu ṭha thawkhatin an hria a, chutihlaiin hun tiam chhungin an zawh hman loh an hlauh thu an sawi a, Ṭawitlang Group YMA chuan a tawp thlenga enpui zel an tum thu an sawi bawk.