Nimin khan DC Conference Hall Serchhip-ah Beti bachao Beti Padhao (BBBP) thlalak intihsiakna lawmman chu Lalmuan-sanga Ralte, Addl. DC-in a sem.
Lalmuansanga Ralte chuan thusawiin thlalak ṭha hian thu tam tak a sawi thei a, ṭawngkaa sawifiah theih loh thil tam tak a sawifiah theiin min rilruah a tuh nghet thei a ni, a ti a. Intihsiaknaa telte chungah lawmthu sawiin, tun aia ṭha lehzual zawk thlalak nei thei tura ṭan la thar ṭheuh turin a fuih a ni.
K.Saitluanga, MIS, DIPRO Serchhip chuan intihsiakna result a puang a, lawmman dawngtute chu:
Photography Category-ah, 1-na Elisianmawia Sailo, 2-na Lalthianghlima, 3-na Lalnunthara te an ni a, an ni bakah hian mi panga hnenah Consolation Prize hlan an ni a. Video Clip Making Category a lawmman dawng-tute chu: 1-na K.Lalpekhlua, 2-na Zoramthanga Ralte, 3-na Lalhruaitluanga-te niin, mi pali hnenah Consolation Prize hlan an ni bawk a ni.
He hun V. Lalruatsangi, District Coordinator, BBBP Project Management Unit chuan a kaihruai a, F.Lalnisai, MCS, Nodal Officer, BBBP Project Management Unit chuan lawmthu sawiin a khar a ni.